تجربتي مع مكياج 'SHEGLAM'

مرحبا  
اليوم راح انقل تجربتي لكم لأول مره مع مع مكياج SHEGLAM ، منتجات  SHEGLAM  تمت صناعتها بواسطة نفس الشركات المصنعة للعلامات التجارية الفاخرة ولكن بسعر يناسب الجميع وتتراوح اسعار المنتجات من ٢ ريال الى ١٤٥ ريال وعدد المنتجات يتخطى ٤٨٠ منتج ، تتنوع المنتجات مابين مكياج و ادوات المكياج  والعنايه بالبشره  ..
بالنسبه لطلباتي وخصوصاً ان هذي المره الاولى قررت عدم المخاطره وشريت منتجات اعلى تصنيفاً ومؤكده من تجارب سابقه ..

اول شيء خذته هذا الايشادو الجميل شكلاً ومضموناً :

بالنسبه للايشادو كان اختيار موفق جداً ، نبدأ بالتغليف والحمايه بحكم انه مُنتج يتم شحنه من الخارج كنت خايفه يوصل الباليت مكسور او فيه خدش بسيط لكن التغليف والحمايه كانت رهيبه ، الالوان زاهيه وجميله و واضحه وتناسب كل الاوقات ودمج الالوان كان جميل وسلس واللون يتم فتره طويله ثابت ومايتغير لونه ، الباليت هذا يناسب اي بنوته حتى المبتدئه بعالم المكياج لان اختيارهم وطريقة توزيع الالوان راح تعطيج الهام لعمل لوكات ممكن تكون بسيطه وممكن تكون ثقيله  ..

ثانياً الكونتور العجيب :

بكل اختصار حب كبير لهذا المُنتج الرهيب ، سهل بالدمج وكريمي ومرن وعملي جداً وفيه منه عدة الوان ويفضل تختارين اللون المناسب لبشرتج ، عن نفسي انا بشكل عام احب اثبت اي كونتور كريمي بلوس باودر عشان يتم فتره اطول وهذا النوع من الكونتور انصح بتثبيته عشان تشوفون نتيجه تعجبكم وتبقى معاكم فتره ..

ثالثاً مُنتج الكياته :

 هذا الشيء الكيوت جداً هو حمرة خدود جميييله بشكل مو طبيعي ، رغم اني ماحب اي بلشر كريمي الا ان هذا رهيب والاهم ان دمجه ممتاز وسهل وفيه لمعه بسيطه ف يغنيكم عن الهايلايت ، يناسب الطلات الصباحيه الخفيفه ويغنيكم عن التنت ويعتبر البديل الارخص من تنت نارس ، في منه عدة الوان بس انا اخترت love cake ..

رابعاً مُنتج رهييب :

     

بما ان هذي الفتره هبة الحواجب الكثيفه المبعثره ، هذا جل و مثبت الحواجب بيغنيكم عن اي مُنتج آخر 

رهيب وثابت وعملي وحجمه مناسب وسهل الاستخدام ويكون معاه فرشه ، بمجرد ماتحطين نقطه من مثبت المكياج

 بيصير مزيج كريمي  توزعين منه كميه بسيطه ومناسبه على الحواجب وتمشطينهم 

وبعطيكم لوك منعش ويغنيكم عن ماسكرا الحواجب ..

خامساً :

هذا الايشادو ماكنت افكر اخذه بس آخر شيء قررت اجرب واطلبه لان لونه شدني و اللون هذا احبه بالشتاء ، لمى وصلني انصدمت من جماله وثباته مقارنة بسعره البسيط ، رهيب وسهل الدمج ولونه بالطبيعه احلى من الصور وفيه لمعه بسيطه ، في منه عدة الوان جميله بس انا اخترت هذا اللون كبدايه وبرجع اطلب منه مره ثانيه ..

واخيراً :

طلبت من باب التجربه مجموعة البيوتي بلندر اللطيفه جداً ، ملمسهم على البشره جداً خفيف ولطيف (Marshmallow)

 مجموعه مكونه من ٦ بيوتي بلندر احجامهم من الكبيره للصغيره وكل وحده لها استخدام عملي وبيسهل عليكم في مراحل المكياج ..

ملاحظه مهمه : 

كثير من شركات التجميل المشهوره عالمياً للاسف تجرب المنتجات على الحيوانات وتحديداً الفئران او الارانب ، اللي احاول اسويه هالفتره اتعامل مع شركات تحارب الشيء هذا ومن ضمنهم منتجات SHEGLAM .. 

جميع منتجات SHEGLAM لايتم تجربتها على الحيوانات ..

وبهذا الشكل اختم معاكم تجربتي البسيطه مع منتجات SHEGLAM ، لو مهتمين تشوفون منتجات طلبتها من SHEIN 

  هذا الفيديو

  enjoy 

..