هاي ياجميلات
بما اني وعدتكم في قناتي اكتب لكم بالتفصيل عن منتجات خذيتهم هالفتره من كيكو ميلانو
ف خلوني ابدأ اول شيء مع فاونديشن كيكو الشهير ٢ في ١
كونسيلر و فاونديشن والتغطيه FULL COVERAGE
من افضل كريمات الاساس اللي جربتها و ارتاحت بشرتي وانا استخدمه رغم ان بشرتي حساسه وصعب تتقبل اي كريم اساس
جربته سابقاً بدرجه افتح وكانت جداً مناسبه وجميله ولكن هذي المره خذيت درجه اغمق شوي عشان التان واطلالة الصيف
جربت استخدمه بأكثر من طريقه وبكل مره يفوز بالاختبار والتغطيه تبقى معاي لين نهاية اليوم
وفعلياً تحتاجون تحطون منه كميه جداً قليله لان تغطيته عميقه وخصوصاً ان فيه كونسيلر ف يغنيكم عن اي منتجات ثانيه
واذا تبون النتيجه تكون افضل استخدموا بودرة كيكو الشهيره او مثل مايسمونها بودرة الفلتر ..
الدرجه اللي خذتها اول مره وبرجع اخذها لانها الانسب جداً لي كانت N35
والدرجه اللي حبيت اجربها هالمره هي N40 وجداً جمييله ولكن تحتاج تان او بيكون في اختلاف بين بشرتي وجسمي
اما البودره اللي ماراح اغيرها وتناسب الدرجتين من الفاونديشن هي N60 ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اما المنتجات الثانيه اللي حبيت اجربها بناء على نصيحة البنات كريمات تناسب جميع انواع البشره ومناسبه في أي وقت
وتعطي نتيجه افضل لو تم استخدامها قبل المكياج
الكريم الاول لكامل البشره والثاني لمنطقة تحت العين فقط ..
خلوني اكتب اول شيء عن الكريم SUBLIME YOUTH DAY هذا
هذا الكريم لكامل البشره مصحح للتجاعيد ومغذي للبشره مع وجود حمايه من الشمس
يغذي بعمق ويشد البشره وينعم التجاعيد الصغيره فورياً وخيالي لو تم استخدامه قبل المكياج
لانه يعزز جمال المكياج ويعطي لوك حيوي وبشره كلها توهج واشراقه
اما الكريم الثاني SUBLIME YOUTH EYES
نفس فكرة الكريم الاول ولكنه مخصص لمنطقة تحت العين
كريم مصحح للتجاعيد حول العين ويقلل من ظهور التجاعيد وعلامات التعب
يغذي بعمق ويضيء منطقة تحت العين ويعطي مظهر صحي ومشرق
ونفس الشيء يعزز اداء المكياج ويعطي نتيجه افضل
ويناسب الفتره الصباحيه او المسائيه
مازلت حالياً اجربهم ولكن مبدئياً اقدر انصحكم فيهم وفعلاً النتيجه تكون جدآً جمييله لو تم استخدامهم قبل المكياج
تلقونهم في معظم محلات كيكو بس قبل شوفوا بالموقع اقرب فرع لكم لو كان اي منتج متوفر
لان بالنسبه للكريمات تخلص بسرعه بالمحلات ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليقات
إرسال تعليق